Tregu imobiliar në Tiranë tre vitet e fundit ka njohur një shtrenjtim, por rritja më e madhe sipas agjencive imobiliare është vënë re gjatë këtij viti. Ndërkohë që shtatori sjell përherë rritje të kërkesës për shkak edhe të studentëve.
Çmimet mesatare variojnë sipas zonave, por sa më shumë t’i afrohesh qendrës dhe zonës së liqenit, vlerat e qirave shumëfishohen. Ndikues në këtë rritje çmimesh sipas specialistëve janë edhe të huajit, por edhe rënia e euros pasi disa i kanë çmimet në monedhën europiane.
Prurjet e larta të turistëve kanë sjellë edhe interesim për të përdorur platformat online, booking, dhe Airbnb për të dhënë shtëpitë me qira ditore.
Nga të dhënat, vetëm në kryeqytet ka mbi 3 mijë struktura në Airbnb të cilat jepen me qira ditore dhe çmimet mesatare shkojnë nga 30-50 euro për natë./ Klan News
