Qindra të mbijetuar nga uragani Dorian janë larguar nga ishujt Bahamas, ndërkohë që mijëra të tjerë po presin të evakuohen nga ishujt e shkatërruar.
Uragani që përfshiu ishujt në fillim të kësaj jave, ka shkaktuar dëme të mëdha dhe shumë viktima. Numri zyrtar i viktimave ka shkuar në 43 por pritet të rritet ende.
Qendra Kombëtare e Uraganeve e Shteteve të Bashkuara tha se stuhia po lëviz drejt bregdetit të Atlantikut në SHBA, me erëra deri në 184 kilometra në orë.
Ndërkohë sipas një deklarate të shtëpisë së Bardhë, presidenti amerikan, Donald Trump, “po e monitoron nga afër” situatën.
“Presidenti u kërkon të gjithë banorëve të Xhorxhisë, Karolinës së Jugut, Karolinës së Veriut dhe Virxhinisë që të ndjekin udhëzimet e zyrtarëve të tyre vendorë këtë javë”, -thuhet në deklaratë.
