Një grup emigrantësh nga Amerika Qendrore, që autoritetet e SHBA-ve i ndanë nga fëmijët e tyre vitin e kaluar kur kaluan kufirin meksikan, hynë përsëri në Shtetet e Bashkuara, duke kërkuar strehim dhe ribashkim me fëmijët e tyre. Ata shkuan në Calexico të Kalifornisë, ku u pritën nga agjentë doganorë amerikanë dhe Patrulla Kufitare.
Prindërit kaluan urën për këmbësorë, ndërsa shoqëroheshin nga avokatë nga grupi i mbrojtjes së emigracionit, Al Otro Lado.
Familjet, të cilët mbërritën në Meksikë, të ndihmuar nga Al Otro Lado, që do të thotë “nga ana tjetër”, shpresojnë të paraqesin rastet e tyre tek autoritetet e SHBA dhe të ribashkohen me fëmijët e tyre.
Në një goditje mbi imigracionin e paligjshëm nga administrata e Presidentit Donald Trump, zyrtarët e SHBA kanë ndarë mijëra fëmijë nga prindërit emigrantë, të cilët kanë kaluar nga Meksika në Shtetet e Bashkuara. Trump implementoi një politikë “zero tolerancë” për emigrantët e paligjshëm./E.M
