Në Kaliforninë e Jugut dhe në Arizona, banorët kanë mbetur të tmerruar nga pamjet që panë në qiell mbrëmjen e së premtes. Drita të bardha u shfaqën në qiell, duke dhuruar pamje gati tronditëse.
Njerëzit nuk hezituan ti postonin këto pamje në rrjetet sociale, ku shumica e njerëzve shkruante se bëhej fjalë për jashtëtokësorë.
Megjithatë, nuk bëhet fjalë për asgjë të tillë, pasi SpaceX lëshoi 10 satelitë në orbitën e Tokës.
Për reagimet e shumta në rrjetet sociale, pati edhe një përgjigje me ironi nga Elon Musk: “Anije kozmike bërthamore aliene nga Koreja e Veriut”, shkroi ai.
