Gjatë ditës së sotme nuk do të tubohet vetëm në Tiranë, por edhe në Vlorë. Ndërsa në Tiranë do të mbahet protesta e paralajmëruar e opozitës, thuajse në të njëjtën orë mazhoranca do të zhvillojë një takim në Vlorë, ku do të mbledhë mbështetësit e vet. Opinion.al ka siguruar një video nga përgatitjet që po bëhen në qytetin bregdetar.
Vetë opozita e ka konsideruar këtë si një antimiting të organizuar nga qeveria për të t’u treguar shqiptarëve forcën e numrave, ndërsa vetë kryeministri Edi Rama hodhi poshtë që ky të ishte një antimiting. Nëpërmjet një statusi në rrjetet sociale, ai ndërsa ironizoi opozitën deklaratat e bëra, theksoi se takimi i sotëm i Vlorës është vetëm vijimi i dialogut që ai ka vendosur të zhvilloi meqytetarët në kuadër edhe të taktikës elektorale në funksion të zgjedhjeve të ardhshme vendore.
Burime nga qeveria kanë bërë të ditur për Opinion.al se takimi do të nisë rreth orës 10 e 30 dhe të pranishmit do të qëndrojnë të ulur në karrige të vendosura në mënyrë rrethorenë të gjithë sheshin, siç duket dhe në video. Për këtë qëllim, thuajse e gjithë qeveria prej ditës së djeshme ka zbritur në Vlorë, teksa ministrat kanë nisur takimet sipas sektorëve që mbulojnë.
