Kanë nisur protestat në Amsterdam, pasi qeveria po vendos ligje të reja për “Red Light United”.
“Red Light United” është një lagje me drita të kuqe, pjesë e një zone urbane ku ka një përqendrim të prostitucionit dhe bizneseve të orientuara drejt seksit, si dyqane seksi, klube striptizi, teatro për të rritur, etj.
Sipas zyrtarëve do të hyjnë në fuqi rregullat të reja për punonjëset e seksit më datë 1 prill, duke kërkuar që bizneset e punës së seksit të mbyllin dyert e tyre në orën 3 të mëngjesit dhe jo në orën 6, për të luftuar atë që autoritetet lokale e përshkruajnë si sjellje shqetësuese nga njerëzit që vizitojnë lagjen e zonës së kuqe.
Këshilli i qytetit po planifikon të zhvendosë punonjëset e seksit të qendrës ‘Red Light United’ në një “qendër erotike” jashtë qytetit.
Disa punonjëse seksi kanë folur për CNN, duke thënë se po diskriminohen në mënyrë të padrejtë.
Felicia Anna (jo emri i saj i vërtetë për arsye privatësie) është një ish-punonjës seksi që ka jetuar në Amsterdam për 13 vjet dhe tani është kryetare e qendrës ‘Red Light United’. Ajo thotë se zvogëlimi i orëve të punës do të ulë në mënyrë drastike të ardhurat për punëtorët, duke i lënë shumë prej tyre në gjendje të mjerueshme.
“Shumica e punëtorëve fillojnë të punojnë pas orës 12,” tha Anna për CNN. “Tani që do të punojnë vetëm dy orë për të fituar para, nuk mjafton.”
Sipas saj orët e reduktuara do të ndikojnë veçanërisht në komunitetin transgjinor, duke deklaruar se shumë klientë që vijnë nga ora 03:00 deri në orën 06:00 kërkojnë punonjës seksi transgjinorë.
Një protestë e organizuar nga punonjësit e seksit ndërpreu një mbledhje të këshillit të qytetit të enjten që po diskutonte opsionet e zhvendosjes për qendrën erotike. Protestuesit i dorëzuan kryebashkiakut të Amsterdamit, Femke Halsema, një peticion të nënshkruar nga 266 punonjëse seks, i cili kërkonte më shumë kontroll policor në distriktin e zonës së ‘Red Light United’, në vend të mbylljes së hershme.
Ndërkohë Halsema ka deklaruar se nëse reduktojnë orarin e punës së qendrës erotike do të eleminojë presionin në zonën e dritave të kuqe dhe do të krijojë një vend ku punonjëset e seksit mund të punojnë të sigurt dhe të pashqetësuar./Opinion.al
