Qeveria rumune arriti t’i mbijetojë mocionit të mosbesimit, të thirrur në parlament, pas valës së protestave masive në të gjihë vendin, më të mëdhatë që prej rënies së regjimit komunist në vitin 1989. Deputetët e koalicionit në pushtet abstenuan, duke mos plotësuar 50 % të votave të nevojitura. Për rrëzimin e qeverisë votuan vetëm 161 deputetë, nga 233 që nevojiteshin për miratimin e mocionit të mosbesimit në parlamentin 465 vendësh.
Pavarësisht vendimit të qeverisë për t’u tërhequr nga dekreti që u jepte mbrojte ligjore zyrtarëve duke reduktuar dënimet për disa vepra korrupsioni, rumunët nuk tërhiqen nga protestat dhe kërkojnë kokën e kryeministrit, pasi sipas tyre qeveria nuk ka më bësimin e popullit. Të martën presidenti i vendit akuzoi qeverinë se po e zhyt vendin në krizë, vetëm dy muaj pas fitimit të zgjedhjeve.
Vendimi i parlamentarëve për të mbështetur qeverinë e kryeministrit, Sorin Grindeanu, pritet të nxisë një tjetër revoltë popullore të shoqëruar me protesta masive.
Tv Klan
