Pas lajmit të pubklikuar nga Opinion.al, lidhur me tenderin e hemodializës, reagon qeveria përmes web site-t , transparenca.al. Në këtë reagim, thuhet ekzaktësisht si më poshtë:
Që prej marrjes së detyrës më 15 shtator 2013, por edhe pas konsultimit me arkivin e institucionit, Ministria e Shëndetësisë nuk ka asnjë propozim nga kompania “Fresenius Medical Care” për ofrimin e një shërbimi të tillë, dhe aq më tepër sipas kushteve të sipërcituara në artikull.
Ndërkohë, është e vërtetë se, një delegacion i përbërë nga një drejtues i lartë i kompanisë me bazë në Gjermani, i shoqëruar nga partneri i tyre vendor në Shqipëri, si dhe një diplomat i Ambasadës së Republikës Federale të Gjermanisë që mbulon çështje të ekonomisë dhe marrëdhënieve tregtare, janë takuar në datën 3 dhjetor 2014, me Ministrin e Shëndetësisë.
Pasi është bërë një prezantim i shërbimeve që kjo kompani ofron në fushën e kujdesit shëndetësor, në takim është diskutuar, gjithashtu, edhe për shërbimin e hemodializës në Shqipëri, si dhe vizionin e Qeverisë për sa i përket ofrimit të këtij shërbimi, por jo ofrimi i shërbimit sipas kushteve të sipërcituara.
Pas pak, Opinion.al, do të sjellë disa fakte të reja lidhur me këtë reagim.
