Qeveria shqiptare ka marrë një sërë masash të shtrira në disa aspekte e që do të zgjasin deri në 3 Prill, me qëllimi parandalimin e përhapjes së koronavirusit në Shqipëri.
Ministria e Shëndetësisë Ogerta Manastirliu i ka bërë me dije këto masa, gjatë mbledhjes së qeverisë.
Sipas këtyre masave është vendosur që:
Të mbyllen, ambientet e lokaleve të natës, baret dhe pubet.
Të qëndrojnë të mbyllura ambientet e argëtimit për fëmijë, qendrat kulturore apo ambientet argëtuese që ushtrohen në vendeve të mbyllura.
Për sa u takon qendrave sociale që ofrojnë kujdes rezidencial për të moshuarit apo fëmijët do të kufizohet kontakti me personat jashtë strukturës ku ata banojnë.
Gjatë ditës aktivitetet e bareve dhe lokaleve, të ofrojnë shërbim duke respektuar distancën prej së paku 2 metrash të tavolinave dhe distancë 1 m të njeriut nga njeriu. Nëse kjo normë nuk do të zbatohet, do të jenë të detyruar të vendosen orare mbylljeje për ta.
Institucionet publike duhet te hartojnë një plan masash deri ditën e nesërme të sigurimit të ofrimit të shërbimeve prioritare dhe duhet të shfrytëzojnë maksimalisht platformat e tyre të punës në distancë.
Institucionet duhet të pajisin punonjësit me mjete mbrojtëse.
Të gjihë pensionistëve do t’i dërgohet pensioni në shtëpi.
Punonjësit privatë të marrin masa për përhapjen e virusit gjatë punës. Kontakti mes tyre dhe me publikun të shmanget plotësisht, kur shërbimi mund të ofrohet online.
Të gjithë ata që hyjnë në territorin shqiptar duhet të plotëosjnë një skedë të detyrueshme.
Do të pezullohen në mënyrë të përkohshme të gjitha procedurat e punësimeve publike për punësim personeli apo bashkëpunim./Opinion.al
