Këshilli i Ministrave miratoi sot draftin e propozuar nga Ministri i Brendshëm për “Për vlerësimin kalimtar të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat”, i njohur si Vettingu i policisë.
Në sitë do të kalojnë 13 mijë uniforma të policisë, por zëdhënësi i Xhafaj që bëri të ditur vendimin tha se “kjo nuk është thjesht fshesa e radhës”. Sipas zv.ministrit Julian Hodaj: ligji synon të bëjë pastrimin sepse në polici ka elementë të prekur nga krimi dhe korrupsioni apo të paaftë.
“Drafti u hartua me bashkëpunimin dhe këshillat e vyera të misioneve që asistojnë Policinë e Shtetit, PAMECA dhe ICITAP, të cilat ishin pjesë e grupit të punës që nga fillimi”, deklaroi ai.
Pritet që pr/ligji në fjalë të dorëzohet në Kuvend nga ku do të diskutohet në komisione për të mbërritur në seancë plenare.
