Këshilli i Ministrave i ka akorduar një ndihmë financiare familjes së Klodian Rashës, 25-vjeçarit që u vra nga efektivi i policisë. Vendimi është marrë në 11 dhjetor dhe ka hyrë në fuqi ditën e sotme.
“Këshilli i Ministrave vendosi: 1. Dhënien e trajtimit të veçantë familjes të të ndjerit Klodian Rasha, i cili, në datën 8.12.2020,humbi jetën aksidentalisht, si pasojë e veprimeve policore, në masën e tetë-fishit të pensionit social, të miratuar sipas ligjit nr. 7703, datë 11.5.1993.2.
Trajtimi i veçantë familjar, financiar mujor, i paguhet kryefamiljarit z. Qazim Osman Rasha. Ky vendim hyn në fuqi menjëherë, botohet në Fletoren Zyrtare dhe i shtrin efektet nga data 1dhjetor 2020″, shkruhet në vendim.
Kujtojmë se pas vrasjes së Klodian Rashës nga një efektiv policie, ministri i Brendshëm, Sandër Lleshaj ka dhënë dorëheqjen nga detyra./ Opinion.al
