Vetëm në periudhën Janar-Maj 2019, 61 bashkitë e vendit kishin shpallur 15.8 miliardë lekë për procedura tenderimesh, rreth 60% më shumë se një vit më parë. Sipas të dhënave të Open Data Albania, nga mbi 2500 tendera të shpallura, 12% ishin shënjuar me flamur të kuq, për shkak të risqeve të larta, parregullsive dhe problematikave në garë.
Në muajn Qershor, qeveria kishte vendosur një moratorium për bllokimin e tenderimeve nga bashkitë, të cilat e quajtën antikushtetues.
Qeveria e argumentoi vendimin e saj se kërkonte të evitonte abuzimet me tenderat në prag të zgjedhjeve.
Pas bllokimit pothuajse për dy muaj, qeveria i ka dhënë mundësi përsëri pushtetit vendor për të kryer procedurat e prokurimit.
Sipas të dhënave pas 1 korrikut, bashkitë kanë shpallur mbi 100 tendera me vlerë rreth 500 milionë lekë, kryesisht për shpenzime operative, por edhe për investime në rikonstruksione shkollash e godinash të tjera. /Opinion.al
