Qeveria e Kosovës ka reaguar pasi kryeministri Edi Rama në një konferencë për mediat anuloi mbledhjen e përbashkët të dy qeverive.
Në reagim thuhet se nesër do të nënshkrueshin 13 marrëveshje të reja që kishin synim t’i afronin ekonomitë dy vendeve, sistemet e drejtësisë, arsimit e kulturës. Më tej teksa thuhet se janë qytetarët ata që do humbasin, nenvizohet se është hera parë që një mbledhje e përbashkët anulohet në mënyrë të njëanëshme.
“Mbledhjet e përbashkëta janë ndërmarrje të madhe organizative, të cilave u paraprinë një punë e madhe e ministrive për të përgatitur atë ditë.
Nesër do të duhej të nënshkrueshin13 marrëveshje të reja. Ato kishin synim t’i afronin ekonomitë tona, sistemet tona të drejtësisë, arsimit, kulturës, etj. Janë qytetarët ata që do humbasin më së shumti. Për fat të keq, anulimi i mbledhjes nga ana e kryeministrit Rama anuloi mundësinë për t’i nënshkruar ato.
Takimet bilaterale do të mund të mbaheshin çdo ditë tjetër. Jemi fare afër njëri-tjetrit si vende. Nuk do të ishte hera parë që do të takoheshim brenda ditës. Por është hera parë që një mbledhje e përbashkët anulohet në mënyrë të njëashme”-njofton qeveria e Kosovës./Opinion.al
