Qeveria e Kosovës, i ka shpallur organizata terroriste “Mbrojtjen Civile” (Civilna Zashtita) dhe “Brigadën e Veriut” (Severna Brigada), pasi i cilëson si përgjegjëse për tensionet e fundit në veri.
Këtë lajm e ka dhënë kryeministri i Kosovës Albin Kurti, i cili thotë se këto organizata paraqesin kërcënim serioz për sigurinë e Republikës së Kosovës.
“Bazuar në vlerësimet institucioneve të sigurisë së Republikës së Kosovës formacionet civile mbrojtjen Civile” (Civilna Zashtita) dhe komponenta e saj “Brigadën e Veriut” (Severna Brigada), paraqesin kërcënim serioz dhe të drejtpërdrejtë për rendin kushtetues dhe sigurinë e Republikë së Kosovës”, ka thënë Kurti.
Këto të fundit operojnë në pjesën veriore të vendit, të banuar me shumicë serbe.
Sipas ministrit Xhelal Sveçla, këto grupe janë identifikuar në zonat ku ka tensione nga institucionet e sigurisë dhe inteligjencës dhe rezulton se kanë kryer akte terroriste.
Sveçla shtoi më tej se aktivitetet e këtyre grupeve janë terësisht kriminale, cenojnë rëndë rendin kushtetues dhe përmes shantazheve pengojnë bashkëpunimin e qeverisë me qytetarët serbë në Kosovë.
