Kryeministri Edi Rama tha para anëtarëve të Asamblesë së Partisë Socialiste, se kjo tani është bashkëqeverisja e vërtetë me qytetarët, duke e konsideruar atë njësoj sikur me krijimin e një partie të re.
Rama paralajmëroi largime në bllok të drejtorëve, ndërsa tha se do t’i shtrihet dora opozitës hap pas hapi, por pa e pritur atë pafundësisht.
Ministritë e reja
Rama: Qeveria e re do të ketë 11 ministri dhe 2 ministra shteti. Në përbërje të saj do të ketë 50% burra dhe 50% gra. Detyra e zv/kryeministres Senida Mesi, deputete e qarkut të Shkodrës.
Pranë meje do të jenë edhe dy ministra shteti, njëri për shqiptarët jashtë kufijve dhe natyrshëm në këtë post është Pandeli Majko. Ministrja e Shtetit për mbrojtjen e sipërmarrjes do të jetë Sonila Qato.
Rama:
Ministria e Jashtme. Detyrën e ministrit të Jashtëm do t’ia ringarkoj Ditmir Bushatit.
Ministria e Brendshme do t’i ngarkohet Fatmir Xhafës.
Ministria e Mbrojtjes, duke falënderuar Mimin për punën e bërë, stafetën tek Mbrojtja do ta marrë prapë një grua Olta Xhaçka.
Etilda Gjoni, ministre Drejtësisë.
Ministria e Kulturës do të ringarkoj Mirela Kumbaron
Ministria e Financave do të bashkohet me Ekonominë, e cila do të marrë edhe sektorin e punës nga Ministria e Mirëqenies Sociale.
Ministër i Financave, Ekonomisë dhe Punës ngarkon Arben Ahmetajn.
