Pas lajmit të publikuar në media mbi vizitat e Ramës dhe Bashës në Bruksel, zyrat e shtypit, përkatësisht e Qeverisë dhe PD kanë publikuar axhendat.
“Basha ndodhet në Bruksel ku do të marrë pjesë në takimin e Asamblesë Politike të Partisë Popullore Europiane”, thotë PD. Aty marrin pjesë përfaqësues të partive të djathta europiane, të qeverive të vendeve europiane dhe të institucioneve të Bashkimit Europian. Zoti Basha do të ketë takime të veçanta me përfaqësues të lartë të politikës europiane, për të diskutuar për situatën politike dhe ekonomike të Shqipërisë dhe veçanërisht rreth sfidave të integrimit të vendit në Bashkimin Europian.
Sakaq, Kryeminsitria thotë se Rama do të niset sot në Bruksel, pasi ka takim me Presidentin e Këshillit të Europës, Donald Tusk. “Takimi zhvillohet në kuadrin e thellimit dhe konkretizimit të axhendës europiane të Shqipërisë.
Pas takimit dypalësh, në orën 18.30 pritet të zhvillohet një konferencë e përbashkët për shtyp, bën të ditur zyra e shtypit.
/Opinion.al
