Në një takim të zhvilluar këtë të martë me një grup ekspertësh ku ka diskutuar për teknologjinë në fushën e bujqësisë kryeministri Edi Rama u shpreh se edhe në vendin tonë ka shembuj zhvillimi dhe sukesi përmes vënies në përdorim të dijes.
Rama foli edhe për qershitë, që në disa zona të vendit fermerëve iu mbeten pashitur, ndërsa ngriti pyetjen se përse njëri shet dhe tjetri jo, kur operojnë në të njëjtin terren me të njëjtat probleme dhe me të njëjtën krizë.
Sipas kreut të qeverisë, fermerët duhet të shkojnë tek ata më të suksesshmit dhe të mësojnë nga strategjitë e tyre, ndërsa Ministria e Bujqësisë sipas tij duhet që të ndërtojë ura komunikimi.
“Edhe këtu në territorin e bujqësisë sonë, sot ka jo pak shembuj zhvillimi dhe suksese përmes vënies në mënyrë të veçantë të dijes. Nëse shikojmë standardet, prodhimtarinë, teknologjinë e ekselencës europine serat e prodhimet e Josfit janë pjesë e kësaj ekselence. E gjitha lidhet me dijen, sepse vullnet për të punuar tokë m kanë edhe të tjera, nuk është se atyre s’dalin dhe i shihnim në tv dhe hedhin prodhimet duke ua kërkuar ti blejë shteti, nuk i mungon vullneti për punë, edhe vullnetin e kanë edhe djersën e kanë derdhur, por ajo çka bën diferencën është dija, e cila lidhet me informacionin. Këtu i takon qeverisë të bëjë edhe më shumë, ministrisë së bujqësisë, për të komunikuar, shpjeguar, njoftuar, i takon edhe vetë fermerëve. Nuk ka nevojë të na dëgjoje ne, të shohin si bëjnë tjerët, dalin ën paje ca fermerë se hedhin qershitë se nuk i shesin sot, bërtasin për çmimet, subvencionet. Do ishte shqetësues nëse ndodh me gjithë Shqipërinë, në të njëjtin territor ka të tjerë që në këtë kohë bëjnë sukses, më shumë sukses si rezultat i rritjes së çmimeve. Cili është dallimi mes të parëve dhe të dytëve. Pse për të njëjtin vullnet përkushtim, disa e hedhin prodhimin dhe disa bëjnë të ardhura të larta, është i njëjti shtet, qeveri struktura, dobësi dhe ja ku janë dy realitete. Ca duhet bërë këtu, e para ata fermerë duhet të marrin mundimin dhe të shkojnë të tjerët dhe tu thonë si e bëni këtë dhe ta shikojnë atje sesi ndodh kjo dhe e dyta i takon ministrisë AZHBR që të ndërtojnë ura komunikimi, kanale informacioni për të transferuar dijen”, tha Rama.
