Kafshët shtëpiake janë gjithnjë të këshillueshme për largimin e stresit dhe sidomos tek personat të cilët i duan. Sipas një studimi realizuar së fundmi, është rezultuar se qentë veçanërisht mund t’ju zgjasin jetën. Nëse ju keni një qen, sipas shkencëtarëve shtohen mundësitë e të jetuarit gjatë.
Por edhe raca e qenit ishte faktor në këtë studim. Pra, raca të ndryshme qensh, kishin probabilitet të ndryshëm në shtimin e jetëgjatësisë. Një qen i racës ‘mongrel’ e zvogëlon rrezikun e vdekjes së parakohshme me vetëm 2 përqind, qentë e racës ‘shih tzu’ e zvogëlojnë me 15 për qind. Blijani vetës një terrier dhe do të përfitoni një rrezik më të ulët deri në 19 përqind!
Pronarët e qenve të racës ‘Labrador’ dhe ‘Retriever’ gëzojnë 26 përqind reduktim në vdekje të parakohshme, ndërsa qentë e policisë deri në 37 për qind.
Dhe nëse vërtet dëshironi ta zvogëloni rrezikun e vdekjes së parakohshme deri në 40 për qind, shkencëtarët sugjerojnë t’ia blini vetës një qen të racës ‘English setter’.
