Ndërsa tensionet mes Palestinës dhe Izraelit janë bërë më të nxehta, vende të ndryshme kanë shfaqur qëndrimet e tyre zyrtare lidhur me konfliktin. Më herët dhe Ministria e Jashtme e Kosovës reagoi përmes një Tuiti, ndërsa tha se Izraeli ka të drejtën dhe detyrimin të mbrojë shtetasit e tij.
Mbi këtë qëndrim Drejtori i Departamentit për Euro-Azinë në Ministrinë e Punëve të Jashtme në Izrael, Yacov Livne, ka përcjellë një mesazh falenderues ndaj Kosovës.
“Faleminderit Kosovë”, shkruan ai duke shpërndarë mesazhin e Ministrisë së Jashtme të Kosovës.
“Si çdo shtet, Izraeli ka të drejtën dhe detyrimin për të mbrojtur popullin e tij kundër 2000 raketave të qëlluara mbi civilët vetëm nga Hamas, i cili po mban peng civilët palestinezë në luftën e tij. Ne vajtojmë të gjitha viktimat. Ne kërkojmë që të përmbahemi, të ndalojmë dhunën dhe të kërkojmë zgjidhje paqësore”, thuhej në qëndrimin e Ministrisë së Jashtme të Kosovës./Opinion.al
