Kreu i Partisë Republikane Fatmir Mediu dhe ish-Kryeministri Sali Berisha dhe ish-deputeti Edi Paloka janë parë të dalin nga selia e PD-së.
Ata thuhet se kanë pasur një takim me kryedemokratin Lulzim Basha, por për mediat nuk janë bërë të ditura detajet e këtij takimi.
Të dielën në mbrëmje kryetari i Partisë Demokratike të opozitës, Lulzim Basha, tha se shqiptarët e braktisën masivisht votimin njëpartiak e të paligjshëm të socialstëve.
Basha tha se votimet e Partisë Socialiste u karakterizuan nga manipulime masive, rezultate të paracaktuara, blerje votash, kërcënime, përdorim të burimeve publike dhe administratës shtetërore, votime të shumëfishta nga i njëjti person, mbushje kutish dhe shkelje të tjera të rënda.
Ai tha se me Edi Ramën në krye në Shqipëri nuk mund të ketë zgjedhje të lira dhe të ndershme, duke u ndihmuar nga Komisioni Qendror i Zgjedhjeve, që shkeli, sipas tij, çdo nen të Kushtetutës dhe çdo gërmë të ligjit./ Opinion.al
