Shqipëria po kalon ditë të vështira, pas goditjes së fortë të tërmetit të 26 nëntorit, i cili la pas 49 viktima, qindra të plagosur si dhe dëme të konsiderueshme materiale.
Ndërkohë, qytetarët ende janë në ankth për shkak të pasgoditjeve të vilat vijojnë të lëkundin tokën që prej së martës. Lidhur me këtë situatë ka reaguar Qendra Sizmologjike Europiane-Mesdhetare.
Përmes një njoftimi Qendra Sizmologjike Europiane-Mesdhetare dhe duke iu referuar monitorimit të lëkundjeve sizmike në Shqipëri, shprehet se qytetarët duhet të qëndrojnë të qetë. Në njoftim theksohet se shpresojnë dhe lëkundjet do të bien.
“Ne shpresojmë që paslëkundjet do bien dhe që miqtë tanë në Shqipëri të qetësohen. Qëndroni të sigurt”, thuhet në njoftimin e Qendrës Sizmologjike Europiane, ndërsa ka publikuar edhe një grafik me intensitetin e tërmeteve./ Opinion.al
