Janë zbardhur detaje të reja në lidhje me ngjarjen ku është qëlluar me kallashnikov në drejtim të një furgoni në Velipojë, ku fatmirësisht nuk ka viktima edhe pse në mjet ka pasur njerëz.
Ngjarja ka ndodhur rreth orës 19:00, kur edhe policia është njoftuar se në fshatin Mali Kolaj në Velipojë ka të shtëna me armë zjarri.
Menjëherë në vendngjarje kanë mbërritur shërbimet e Policisë që ka konstatuar se 3 persona kanë gjuajtur me armë zjarri në drejtim të një furgoni ku ndodhej pasagjer shtetasi K. N.
Burime nga policia thanë se nuk ka pasur të lënduar në njerëz.
Pas më shumë se 1 ore është bërë i mundur identifikimi i autorëve të dyshuar, Kanto Vushmaqi (babai), Edmond Vushmaqi (i biri) si dhe djali tjetër i të arrestuarit, ende i paidentifikuar.
Policia thotë se ka ngritur pika kontrolli si dhe po bëhet krehja e zonës me qëllim kapjen e autorëve.
Grupi hetimor që ka shkuar në vendngjarje po punon për zbardhjen e plotë të ngjarjes.
