Dy persona janë arrestuar nga Policia e Shkodrës pasi kanë qëlluar me armë, duke shkaktuar panik tek qytetarët. Ngjarja ka ndodhur në në fshatin Kuç të Njësisë Administrative Gur i Zi.
Mësohet se në pranga kanë rënë L. A., 18 vjeç dhe K. G., 19 vjeç, të dy banues në qytetin e Shkodrës. Ndërkohë, policia ka mund të sekuestroi armën tip kallashnikov, të cilën dy të arrestuarit e kishin fshehur në një livadh në afërsi të lumit Drin.
Po ashtu, janë sekuestruar dhe dy karikatorë automatiku me fishekë dhe 410 fishekë luftarak. Ndërsa në banesën e shtetasit L. A., Policia gjeti dhe sekuestroi një palë pranga dhe një shkop metalik me hapje, si ato që përdorin forcat e rendit.
Mbi dy të arrestuarit rëndojnë akuzat “mbajtja pa leje e armëve dhe municionit luftarak” dhe “Prishja e rendit dhe qetësisë publike./ Opinion.al
