Mëngjesin e sotëm janë regjistruar të shtëna me armë zjarri në një hotel në Tushemisht, ku fatmirësisht nuk pati persona të lënduar.
Dy autorët kanë qëlluar në drejtim të hotelit duke dëmtuar disa makina dhe më pas janë larguar me motor. Sipas informacioneve, në këtë hotel janë regjistruar të shtëna me armë dhe pak ditë më parë.
Ndërkohë, lidhur me ngjarjen ka folur pronari i hotelit, Jetmir Muçllari. Ai ka deklaruar se autorët kanë qëlluar në drejtim të dhomës ku qëndronte djali i tij dhe në dy dhoma ku ndodheshin turistë.
Sipas Muçllarit shënjestra e atentat është djali i tij. Sipas “Neës24”, Jetmir Muçllari ka thënë se autorët i ka denoncuar me emra, por policia nukpo vepron. Ai iu bën thirrje autoriteteve që t’iu japin azil për dy djemtë e tij, pasi në Shqipëri iu rrezikohet jeta.
“Ngjarja ne oren 4:40 min. Kane qene dy persona ne kembe, te cilet kane qelluar me kallashnikove,duke shkehur disa karikatore ne drejtim te makinave te parkuara dhe hotelit. Atentatoret kane qelluar disa here ne drejtim te dhomes ku flinte djali dhe dy dhomave ku ishin turiste. Nga plumbat nuk ka persona te lenduar. Fillimisht autoret qelluan ne drejtim te rojes se hotelit, duke i kerkuar qe te mos levizte. Plumbat demtuan dy makinat e mia dhe te djalit dhe 4 mjete te turisteve. Jemi te kercenuar si familje. Kerkojme mbrojtje nga policia. Dyshoj se objektiv i atentatit te sotem dhe atij qe ndodhi para nje jave ka qene djlali im. I kam denoncuar me emra autoret, por policia nuk po vepron. Kerkoj azil për dy djemte, pasi ketu ju rrezikohet jeta”, ka thënë Muçllari./ Opinion.al
