Shërbimi për Çështjet e Brendshme dhe Ankesat arrestoi në flagrancë një punonjës policie në Komisariatin e Durrësit, për shkak se ishte i dehur në kohën kur drejtonte automjetin.
Ministria e Brendshme tha se 49 vjeçari Ilir Vrioni po ashtu ka qëlluar në ajër me armën e shërbimit pasi u ndal duke drejtuar mjetin e policisë.
Nga testi me aparat drager, Vrioni rezultoi i dehur dhe akuzohet për “Drejtim të mjetit në mënyrë të parregullt”. Njëkohësisht janë kryer veprimet e tjera për dokumentimin e plotë të rrethanave të ngjarjes.
