Të shtëna me armë zjarri janë dëgjuar në një banesë në Toplanë të Vaut të Dejës.
Sipas informacionit zyrtar, policia ka marrë raportime për të një konflikt mes dy personave ku kishte patur edhe të shtëna me armë zjarri.
Bëhej fjalë për një konflikt mes P.L dhe Gj.V në shtëpinë e këtij të fundit. Të dy personat ishin miq me njëri tjetrin por kanë patur një debat i cili ka degraduar në konflikt ku është përdorur edhe arma e zjarrit.
Mësohet se Gj. V ka qëlluar ndaj P.L. Në momentin që ai ka parë forcat e Policisë është larguar. Por më vonë është arrestuar
Gjatë kontrollit në banesë iu gjeten dy armë zjarri (pushkë) pa leje, të cilat u sekuestruan në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Shkodër, për veprime të mëtejshme, për veprat penale “Vrasje me dashje” e mbetur në tentativë” dhe “Armëmbajtja pa leje” . /Opinion.al
