Konflikti mes kushurinjve në Tiranë ka përfunduar me përdorimin e armëve nga njëri prej tyre.
Policia njofton se një 20-vjeçar, banues në Tiranë pas një konflikti për motive të dobëta me dy kushërinjtë e tij, në një lokal, ka shkuar menjeherë në banesën e tij dhe ka marrë një armë gjahu të cilën e posedonte me leje gjyshi i tij dhe ka qëlluar në drejtim të mjetit të parkuar të njërit prej kushurinjve të tij.
Ndërhyrja e Policisë ka parandaluar përshkallëzimin e mëtejshëm të një konfliktit dhe bënë arrestimin në flagrancë të shtetasit A. G., 20 vjeç.
Në cilësinë e provës materiale iu gjet e sekuestrua arma e zjarrit çifte dygrykëshe, 2 automjete, 2 armë të ftohta dhe 1 sasi fishekësh.
Materialet i kaluan Prokurorisë Pranë Gjykatës së Shkallës së Parë Tiranë, për veprat penale “Mbajtja pa leje e armëve të ftohta”, “Mbajtja pa leje e armëve sportive dhe të gjuetisë”, “Kanosja” dhe “Shkatërrimi i pronës me mjete të tjera”. /Opinion.al
