Autori i dyshuar për vrasjen e recepsionistit të një hoteli në Dhërmi është arrestuar pak momente më parë.
Gerald Shehu është vënë në pranga nga policia greke në një aeroport të Greqisë.
Lajmi është bërë i ditur nga ministri i Brendshëm, Taulant Balla. Nëpërmjet një postimi në rrjetet sociale, ai shprehet se është getur dhe ndaluar autori i dyshuar i ngjarjes së rëndë në Dhërmi dhe se po punohet me autoritet e vendit fqinjë për zbardhjen e ngjarjes dhe vënien para drejtësisë të personit të dyshuar.
Postimi i Taulant Ballës:
Zbardhja në një kohë sa më të shpejtë e ngjarjeve kriminale, gjetja dhe ndalimi personave të dyshuar si autorë apo të përfshirë në këto ngjarje, janë një sprovë e rëndësishme e performancës së policisë. Përgëzime Policisë së Shtetit për hetimet e deritanishme lidhur me një ngjarje kriminale në Dhërmi, ndalimin e një personi të dyshuar në një aeroport të një vendi fqinj. Do të punojmë me autoritetet dhe agjencitë ligjzbatuese të këtij vendi për përballjen sa më parë me drejtësinë të personit të dyshuar.
Ngjarja e rëndë ka ndodhur pas minuta pas mesnate, më 6 qershor, por mister mbetet fati i recepsionistit, pasi është zhdukur.
