Një 39-vjeçar është arrestuar në Elbasan, pasi ishte shpallur në kërkim për tentativë vrasjeje.
Sipas policisë për E.M., Gjykata e Elbasanit ka caktuar masën e sigurisë “Arrest me burg” pasi në datën 17 Qershor 2021, në lagjen “Skënderbej”, ai kishte qëlluar me armë zjarri drejt një automjeti në lëvizje por fatmirësisht nuk pati të lënduar, por vetëm dëme materiale.
“Shërbimet hetimore dhe operacionale të DVP Elbasan ndaluan shtetasin E. M., 39 vjeç, banues në Elbasan, pasi Gjykata e Rrethit Gjyqësor Elbasan, me vendimin e datës 22.06.2022, i ka caktuar masën e sigurisë “Arrest në burg”, për veprat penale “Vrasja me dashje”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit”.
Nga veprimet hetimore të kryera nën drejtimin e Prokurorisë pranë Gjykatës së Rrethit Gjyqësor Elbasan, rezultoi se 39-vjeçari, më datë 17.06.2022, në lagjen “Skënderbej”, Elbasan, ka qëlluar me armë zjarri pistoletë, në drejtim të një automjeti që ndodhej në lëvizje, duke shkaktuar për pasojë, vetëm dëme materiale. Vijojnë hetimet me qëllim përcaktimin e përgjegjësisë së plotë penale të shtetasit E. M”-thuhet në njoftimin zyrtar të policisë.
