Pas ngjarjes së rëndë të ndodhur në Gjermani ku një 44-vjeçar shqiptar vrau dy fëmijët e tij, plagosi gruan dhe më pas vrau veten kanë folur fqinjët.
Mediat gjermane shkruajnë se fqinjët kanë thënë se 44-vjeçari ishte gjaknxehtë.
Ai mësohet se ka kërcënuar edhe në të kaluarën të afërm të cilët kanë denoncuar në polici.
Prokurori i lartë publik Braunwarth për çështjen tha: “Sqarimi i historisë së mëtejshme është objekt i hetimit në vazhdim.”
Mediat gjermane shkruajnë se një zhurmë e madhe u dëgjua në një shtëpi në Kleiner Glinder Berg në orën 22:53 dhe fqinjët menjëherë thirrën policinë.
Gjashtë makina policie shkuan në vendngjarje ndërsa oficerët gjetën dy fëmijë të vdekur të moshave 13 dhe 11 vjeç, të ekzekutuar me të shtëna arme zjarri në kokë. Pak metra më tutje ndodhej edhe si Flamur R. babai i djemve edhe ai i vdekur.
Ndërsa gruaja e tij Advije R. 38-vjeç është plagosur rëndë dhe është transportuar në spital. Bild shkruan se edhe ndaj saj është qëlluar./Opinion.al
