Një 30-vjeçar ka rënë në prangat e policisë pasi në tetor të vitit 2023 qëlloi me armë zjarri në drejtim të banesës së dy vëllezërve në Domje.
A.C. ishte shpallur në kërkim për veprat penale “Mbajtja pa leje dhe prodhimi i armëve, armëve shpërthyese dhe municionit” “Kanosja”, “Prishja e qetësisë publike” të kryera në bashkëpunim.
Mësohet se 30-vjeçari ishte me precedent të mëparshëm penal në krimet kundër jetës/armëmbajtjes pa leje.
Shërbimet e Komisariatit të Policisë Vorë në bashkëpunim me Forcën e Posaçme “Shqiponja”, bazuar në informacionet e marra nga inteligjenca policore dhe pas një pune të mirorganizuar, lokalizuan, kapën dhe ndaluan në kuadër të operacionit policor “Over” shtetasin e shpallur në kërkim kombëtar:
A. C., 30 vjeç, banues në Vorë.
Ndalimi i tij u bë pasi Gjykata e Tiranës ka caktuar masën e sigurisë “Arrest me burg” për veprat penale “Mbajtja pa leje dhe prodhimi i armëve, armëve shpërthyese dhe municionit” “Kanosja”, “Prishja e qetësisë publike” të kryera në bashkëpunim.
I akuzuari nuk veproi vetëm, por në bashkëpunim me L.L.
Sipas policisë, materialet procedurale do t’i kalojnë Prokurorisë, për veprime të mëtejshme.
