Policia e Tiranës ka dhënë detaje lidhur me sherrin e ndodhur mes disa të rinjve në Tiranë, që çoi në përdorimin e armës të zjarrit.
Uniformat blu bëjnë me dije se pas marrjes së njoftimit se në Rrugën e Dibrës, kishte ndodhur një konflikt, gjatë të cilit një person, kishte qëlluar në ajër me armë zjarri, kanë organizuar punën për kapjen e autorit të dyshuar dhe sqarimin e rrethanave të konfliktit.
Kështu, është vënë në pranga shtetasin Xh. C., 37 vjeç.
Xh. C., rreth orës 03:00, së bashku me shtetasit F. Xh., A. Xh., M. K., dhe E. C., janë konfliktuar për motive të dobëta, me shtetasit K. K., V. Q., F. N., A. N., dhe gjatë konfliktit shtetasi Xh. C., ka qëlluar më armë zjarri në ajër.
Në cilësinë e provës materiale u sekuestrua arma e zjarrit pistoletë, e dyshuar e përdorur nga ky shtetas.
Materialet i kaluan Prokurorisë, për veprime të mëtejshme procedurale.
