Një incident i pazakontë është regjistruar mbrëmjen e së dielës (në prag të Krishtlindjeve) në Kretë.
Sipas informacioneve të mediave greke, një shqiptar ka qëlluar me armë zjarri në drejtim të një makine të parkuar në zonën e Portës së Re.
Ngjarja është denoncuar në Polici nga pronarët e makinës, të cilët kanë identifikuar dhe arrestuar autorin e dyshuar herët pasdite.
Sipas burimeve policore, ajo që ai ka pohuar në deklaratën e tij, përveçse ka pranuar atë që ka bërë, është se ka dashur të testojë armën për të parë nëse do të shkrepë, duke shkaktuar atë që ka ndodhur.
Mirëpo, pas ngjarjes me makinën, ky person tentoi të kryente një grabitje në një dyqan, por nuk ia doli dhe u arrestua sot nga policia.
Avokati Manos Drakonakis, i cili përfaqëson pronarët e mjetit, ka komentuar ngjarjen në një prononcim për ekriti.gr.
“Është e pamendueshme të kesh parkuar makinën në një vend publik dhe të mos e dish në mëngjes kur zgjohesh në çfarë gjendje do ta gjesh dhe nëse e gjen. Së fundi, në një moment personat që i kryejnë këto vepra duhet të ndëshkohen. Brenda makinës mund të ishte një person dhe në këtë moment nuk do të kishim dëme materiale, por diçka mjaft të rëndë”, u shpreh avokati.
