Policia ka dhënë informacion zyrtar lidhur me ngjarjen e ndodhur në fshatin Selte të Elbasanit, ku një 45-vjeçar ka qëlluar me armë në drejtim të uniformave blu.
Policia njofton se efektivët shkuan për kontroll në banesën e Josif Kavajës, pasi dyshohej se ky i fundit dispononte armë zjarri pa leje.
“Në momentin që shërbimet e Policisë kanë arritur në banesën e shtetasit J. K., ky shtetas, në tentativë për t’i shpëtuar Policisë, ka qëlluar me armë zjarri në drejtim të punonjësve të Policisë duke u rrezikuar jetën e punonjësve të policisë”, njofton policia.
Nga të shtënat nuk ka efektivë të lënduar. Ndërsa policia vendore ka rrethuar zonën në një perimetër të gjerë duke marrë masa sigurie për jetën e tyre dhe të qytetarëve të tjerë në atë zonë.
Në ndihmë të Policisë Vendore janë nisur forcat speciale RENEA./Opinion.al
