Konflikti mes fqinjëve në një fshat të Pogradecit ka përfunduar me përdorimin e pistoletës nga njëri prej tyre.
Shtetasi I. H., 58 vjeç, banues në fshatin Buçimas, pasi ishte konfliktuar për motive të dobëta me fqinjin e tij I. J., 52 vjeç dhe bashkëshorten e këtij të fundit, kishte qëlluar me pistoletë në drejtim të tyre.
Pas marrjes së njoftimit se, dy familje fqinje po konfliktoheshin me njëra-tjetrën, shërbimet e Komisariatit të Policisë Pogradec në bashkëpunim me Forcat e Posaçme Operacionale në Korçë, kanë shkuar në vendngjarje.
Ata kanë arrestuar 58-vjeçarin duke parandaluar përshkallëzimin e mëtejshëm të këtij konflikti, i cili mund të sillte pasoja të rënda për jetën.
Në cilësinë e provës materiale 58-vjeçarit, iu gjet e sekuestrua arma e zjarrit me 4 fishekë në krëhërin e saj.
Materialet i kaluan Prokurorisë Pranë Gjykatës së Shkallës së Parë Pogradec për veprat penale “Vrasja me dashje mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”. /Opinion.al
