Policia ka arrestuar ditën e sotme një shtetas në Sarandë pasi kishte qëlluar aksidentalisht me armë zjarri.
Sipas uniformave blu bëhet me dije se i riu kishte qëlluar aksidentalisht me armë zjarri e më pas ishte larguar me shpejtësi duke vrapuar në lagjen nr.1 të qytetit.
Nga informacionet zyrtare mësohet se shtetasi K.Q është kapur nga efektivët pas disa minutash pas ngjarjes.
“Rreth orës 12:00, në lagjen nr. 1, Sarandë, shtetasi K. Q., i cili udhëtonte me automjetin tip “BMË”, dyshohet se duke luajtur me një armë zjarri, ka kryer qitje të pavullnetshme, pa shkaktuar dëmtime të personit. Shtetasi K. Q. ka braktisur automjetin dhe është larguar me vrap, në brendësi të lagjes.
Shërbimet e Policisë janë vënë në ndjekje të shtetasit K. Q. dhe pas disa minutash ndjekjeje, bënë të mundur kapjen e tij. Vijon kontrolli i zonës për gjetjen e armës së zjarrit, pasi kur është larguar me vrap, ka hedhur armën e zjarrit”, tha policia.
Në vendngjarje ndodhet grupi hetimor dhe në drejtimin e Prokurorisë, vijon punën për sqarimin dhe dokumentimin e rrethanave të ngjarjes./Opinion.al
