TIRANË- Një grup studentësh kanë qëlluar me vezë Kryemistrin Edi Rama teksa dilte nga fakulteti i Shkencave Sociale. Rama gjendej në një aktivitet për biznesin e vogël që zhvillohej brenda ambienteve te fakultetit publik. Sapo Rama ka dalë nga dyert e fakultetit dhe i drejtohej makinës së tij një grup studentësh i kanë dalë para duke qëlluar me vezë. Ato kanë kapur vetëm makinën e Kryeministrit. Sakaq policia është sulur ndaj studentëve dhe pamjet e filmuara me celularë e tregojnë panik që ka zënë të gjithë në ato momente. Policia shoqëruar në komisariat 8 persona të gjithë studentë.
Ndërkohë Lëvizja Studentore për Universitetin në profilin e tyre në Facebook bëri të ditur se janë pikërisht ata që hodhën vezët ndaj Ramës në shenjë proteste për ligjin e arsimit të Lartë
Ja deklarata e tyre në Facebook
Dhjetra aktiviste te Levizjes per Universitetin (tre prej tyre nga Kosova), jane ndaluar sot ne Fakultetin e Shkencave Sociale menjehere pasi ata kane goditur me veze makinen e kryeministrit. Ky ka qene nje aksion spontan i aktivisteve te Levizjes Per Universitetin. Sic e kemi theksuar ne nuk e pranojme reformen qe qeveria ka miratuar pa ne. ne e kemi shpalluar non grata si kryeministrin po ashtu edhe ministren e arsimit. Prandaj ne do vazhdojme me aksionet dhe qendrimin tone kunder te gjithe atyre qe i shiten universitetet publike
