Zëvendëskryeministri i Kosovës, Besnik Bislimi është qëlluar me tortë nga disa prej anëtarëve të Partisë Social Demokrate.
Bislimi është qëlluar me tortë në momentin që ishte duke u futur në një ndërtesë. Aktivistët e PSD-së i kanë hedhur edhe një gotë “milkshejk” Bislimit.
Pamjet janë publikuar nga vetë kreu i PSD-së, Dardan Molliqaj, i cili shprehet se ky aksion ka të bëjë me kundërshtimin e “Zajednicës”, që sipas tyre tashmë është pranuar nga Kryeministri Albin Kurti në takimin e 18 Marsit në Ohër.
PSD-ja ka thirrur protestë më 25 Mars kundër arritjes së pajtimit mes Kryeministrit të Kosovës, Albin Kurti dhe Presidentit të Serbisë Aleksandër Vuçiç për Aneksin e zbatimit të Marrëveshjes për normalizimin e marrëdhnieve midis dy vendeve.
