Një person është qëlluar me thikë mbrëmjen e sotme në qendër të qytetit të Korçës.
Mësohet se, qytetari i plagosur është transportuar për në spital për të marrë ndihmë mjekësore dhe ndodhet në reanimacion.
I plagosuri është identifikuar si Ergyst Shtylla, ndërsa ende nuk dihet identiteti i autorit.
Ndërkohë, policia ende nuk ka mundur të arrestojë autorin, i cili pas konfliktit është larguar nga vendi i ngjarjes.
Ende nuk dihen rrethanat e kësaj ngjarjeje të rëndë. Policia ndodhet në vendin e ngjarjes dhe po punon për sqarimin e rrethanave.
