Një 23-vjeçar ka mbetur i plagosur me thikë ditën e sotme në lagjen nr.4 në Durrës.
Mësohet se i riu është qëlluar me thikë gjatë një konflikti të ndodhur rreth orës 17:30.
Aktualisht ai ndodhet në spital nën kujdesin e mjekëve dhe është jashtë rrezikut për jetën.
Ndërkohë, Policia ka bërë të mundur identifikimin dhe ndalimin e autorit, i cili po merret në pyetje për zbardhjen e plotë të ngjarjes.
Njoftimi i Policisë
Më datë 03.01.2021, në orën 17:30, në lagjen nr.4, Durrës, dyshohet se pas një konflikti të çastit, ka mbetur i lënduar me mjet prerës (thikë), shtetasi sirian A. M., rreth 23 vjeç, i cili ndodhet në spital nën kujdesin e mjekëve jashtë rrezikut për jetën.
Shërbimet e Policisë kanë bërë të mundur identifikimin e autorit dhe shoqërimin e tij në ambientet e Policisë për veprime të mëtejshme./ Opinion.al
