Një 19-vjeçar ka mbetur i plagosur ditën e sotme në fshatin Shtanë të Kukësit. Mësohet se i riu J. V., është plagosur me thikë aksidentalisht pasi ka ndërhyrë për të parandaluar përshkallëzimin e mëtejshëm të konfliktit mes të shtetasve I. D. dhe A. P.
Në përfundim të veprimeve hetimore për këtë rast u arrestua në flagrancë, për veprat penale “Plagosja e rëndë nga pakujdesia” dhe “Mbajtja pa leje e armëve të ftohta”, shtetasi I. D., 52 vjeç, banues në fshatin Shtanë, me precedent të mëparshëm penal.
Gjithashtu u procedua në gjendje të lirë shtetasi A. P., 40 vjeç, banues në fshatin Shtanë, për veprat penale “Dëmtime të tjera me dashje” dhe “Moskallëzimi i krimit”.
Në cilësinë e provës materiale, u sekuestrua thika me të cilin dyshohet se është plagosur 19-vjeçari./ Opinion.al
