Një sherr për motive të dobëta ka përfunduar me një person të plagosur me thikë në Sarandë. Mësohet se i plagosur ka mbetur 35-vjeçari Besmir Uka i cili është dërguar në spital dhe ndodhet jashtë rrezikut për jetën.
Sipas policisë, ngjarja ka ndodhur në lagjen Nr.3 të Sarandës. Ndërkohë është identifikuar autori i dyshuar i plagosjes. Ai është 37-vjeçari me iniciale E.Sh., i cili është shpallur në kërkim dhe punohet për kapjen e tij.
“Në lagjen nr.3, Sarandë, dyshohet se gjatë një konflikti për motive të dobëta, shtetasi E. Sh., 37 vjeç, ka goditur me mjet prerës (thikë) shtetasin B. U., 35 vjeç, i cili ndodhet në spital, jashtë rrezikut për jetën”-njofton policia.
Sipas informacioneve, Besmir Uka ka shkuar në spital në mesnatë i goditur me thikë në bark, dhe ka kërkuar ndihmë.
Sakaq, rezulton se 35-vjeçari, është emër i njohur për policinë. Ai ka qenë i dënuar me pare për “vrasje ne kushtet e vetëmbrojtjes”, ngjarje kjo e ndodhur ne vitin 2010.
