Një 49-vjeçar në Kurbin ka denoncuar në polici një shtetas i cili qëlloi me armë zjarri drejt makinës së tij.
Sipas uniformave blu, ngjarja ndodhi teksa 49-vjeçari A.P. po qarkullonte me automjet, shtetasi F. I., 29 vjeç, kishte qëlluar me armë zjarri pistoletë në drejtim të automjetit të tij.
Nga të shtënat me armë zjarri nuk ka asnjë person të dëmtuar, ndërkohë shtetasi F. I. është shpallur në kërkim, bashkë me automjetin tip “Benz” me të cilin është larguar.
“Shtetasi A. P., 49 vjeç, ka njofuar sallën operative të Komisariatit të Policisë Kurbin se në Fushë Kuqe, ndërkohë që qarkullonte me automjet, shtetasi F. I., 29 vjeç, kishte qëlluar me armë zjarri pistoletë në drejtim të automjetit të tij. Nga të shtënat nuk ka asnjë shtetas të dëmtuar.
Menjëherë, shërbimet e Policisë kanë shkuar në adresën e dhënë, kanë rrethuar zonën dhe po vijojnë kontrollet, me qëllim lokalizimin dhe kapjen e shtetasit F. I., i cili është shpallur në kërkim, bashkë me automjetin tip “Benz” me të cilin është larguar”, tha policia.
Ndërkohë, grupi hetimor, në drejtimin e Prokurorisë, po vijon veprimet hetimore për sqarimin e rrethanave të këtij rasti./Opinion.al
