Një 34-vjeçar është plagosur me armë zjarri gjatë orëve të mbrëmjes në lagjen “8 Shkurti” në Fier. Mësohet se ai është qëlluar me armë nga persona të paidentifikuar, ndërsa ka pësuar dëmtime në këmbë.
I plagosuri ndodhet në spitalin rajonal në Fier, jashtë rrezikut për jetën. Ndërkohë, grupi hetimor vijon punën për sqarimin e plotë të rrethanave të ngjarjes, identifikimin dhe kapjen e autorëve.
Njoftimi i Policisë
Më datë 03.11.2020, rreth orës 22:20, në Spitalin Rajonal Fier është paraqitur shtetasi M. M., 34 vjeç, banues në Fier, i dëmtuar lehtë në këmbë, jashtë rrezikut për jetën.
Në lagjen “8 Shkurti”, Fier, 34-vjeçari është plagosur me armë zjarri në këmbë nga persona ende të paidentifikuar.
Grupi hetimor vijon punën për sqarimin e plotë të rrethanave të ngjarjes, identifikimin dhe kapjen e autorëve.
