Një punonjës policie është sulmuar me armë mëngjesin e sotëm në Laç teksa ka qenë duke udhëtuar me automjet për të shkuar në punë.
Klan News raporton se dyshohet se kanë qenë dy persona të paidentifikuar që kanë qëlluar me armë zjarri drejt makinës së policit.
Pas ngjarjes, autorët u larguan në drejtim të paditur. Ndërsa efektivi i policisë bëri denoncim në komisariat.
Në vendngjarje shkoi grupi hetimor për të mbledhur provat dhe ndërtuar dinamikën.
Ngjarja po hetohet nën dyshimet për tentativë grabitje ose kërcënim ndaj efektivit të policisë.
