Lokali në pronësi të një 49-vjeçari, në rrugën dytësore të autostradës Tiranë- Durrës, është qëlluar me armë zjarri për motive ende të paqarta mëngjesin e sotëm.
Sipas njoftimit të policisë nga të shtënat në lokalin e 49-vjeçarit, P.Lamaj fatmirësisht askush nuk ka rezultuar i plagosur.
Pasoja ka patur vetëm dëme materiale. Policia po kryen hetimet për zbardhjen e ngjarjes dhe kapjes së autorëve.
Njoftimi i Policisë
Tiranë
Në orët e para të mëngjesit, në rrugën dytësore të autostradës Tiranë -Durrës , në rrethana ende të paqarta është qëlluar me armë zjarri në drejtim të lokalit në pronësi të shtetasit P. L., 49 vjeç, banues në Domje.
Si pasojë e të shtënave nuk ka të lënduar përveç disa dëme materiale përreth.
Grupi hetimor po kryen hetimet në lidhje me zbardhjen dhe sqarimin e rrethanave si dhe po punohet intensivisht për identifikimin dhe kapjen e autorit/ve
Materialet i kanë kaluar Prokurorisë së Rrethit Gjyqësor Tiranë për veprat penale “Prodhim dhe mbajtje pa leje të armëve luftarake dhe municionit”, “Shkatërrimi i pronës”, “Kanosje” dhe “Prishja e qetësisë publike” ./Opinion.al/
