Një 48-vjeçar banues në Fushë – Krujë, ka rënë në pranga pasi po transportonte 46 kg lëndë narkotike me makinën e tij.
Policia njofton se pas informacioneve të marra ka ushtruar kontroll në mjetin tip Benz të shtetasit K. V., në lagjen nr. 13. të qytetit. Aty u gjet dhe u sekuestrua në cilësinë e provës materiale rreth 46 kg lëndë narkotike e llojit Canabis Sattiva.
Grupi hetimor po punon për identifikimin e personave të tjerë të implikuar në këtë veprimtari kriminale, ndërsa materialet i kaluan Prokurorisë së Rrethit Gjyqësor Durrës për veprime të mëtejshme./Opinion.al
