Policia Rrugore bën me dije se deri më 15 shtator do të kufizojnë qarkullimin e mjeteve të rënda në ditët e pushimeve javore dhe festave zyrtare.
Në vlerësim edhe të shqetësimeve që vijnë nga qytetarët, Policia Rrugore po ushtron kontrolle për kufizimin e lëvizjes së mjeteve të rënda për transportin rrugor të mallrave përgjatë sezonit turistik.
Si rezultat i kontrolleve, mbrëmjen e sotme janë ndëshkuar me gjobë nga Policia Rrugore Tiranë, Lezhë, Durrës, Fier e Vlorë, drejtuesit e 56 kamionëve.
Policia Rrugore apelon për zbatim me rigorozitet të rregullave të qarkullimit rrugor dhe fton qytetarët të denoncojnë në Komisariatin Dixhital e në numrin pa pagesë 112, çdo shkelje të qarkullimit rrugor, duke garantuar anonimat të sigurt, reagim të menjëhershëm e të paanshëm./ Opinion.al
