Bota

“QAnon” teoria konspirative që arriti të hyjë edhe në politikën amerikane


Bëhu pjesë e Grupit Zyrtar të Opinion.al
>> KËTU <<
               Publikuar në : 18:03 - 31/07/20 |
el ida

“QAnon”, është një teori ose një grup teorish konspirative, të cilat nisën të pushtonin internetin rreth tri vite më parë. Grupi i ndjekësve që vetëquhen “besimtarë”, tani i ka shtrirë rrënjët edhe brenda Partisë Republikane në Shtetet e Bashkuara.

Me sloganin “ngri dyshime për gjithçka”, besimtarët sillen sikur janë pjesë e një sekti virutal, duke besuar thuajse çdo informacion konspirative që del nga grupi i tyre.

Në thelb të tyre qëndron ideja se një numër i madh politikanësh dhe personazhe të famshëm të botës së spektaklit bashkëpunojnë me qeveritë në të gjithë botën dhe kanë organizuar një rrjet të abuzimit me fëmijët. Ata mbrojnë me forcë presidentin Donald Trump, duke pretenduar se shumë po kërkojnë eleminimin e tij.

Në këtë grup që lindi në “black web” githsecili mund të krijojë një konspiracion, të japë disa prova për të dhe të vendosë hastagun #QAnon në rrjetet sociale për ta shpërndarë. Megjithatë, askush nuk mban përgjegjësi nëse ky informacion është i pavërtetë dhe reagimet qe sjell.
Grupi “QAnon” është futur në rrjete të tjera sociale, si Reddit dhe gjithashtu ka gjetur mënyra për t’u infiltruar në Facebook, Tëitter dhe YouTube.

Popullariteti i “QAnon” është rritur aq shumë sa për pak sa nuk kapi podiumin gjatë një tubimi të Presidentit Trump më 31 korrik 2018, ku postera me mbishkrimin “Ne jemi Q” dhe “Q” u shfaqën para publikut gjatë fjalimit të presidentit. Katër muaj më vonë, zëvendëspresidenti Pence postoi, e më pas fshiu, një foto në Tëitter ku një efektiv policie kishte një stemë “QAnon” mbi uniformë.

Në korrik 2019, në Shtëpinë e Bardhë ishte i ftuar edhe një mbështetës i “QAnon”, si pjesë e një “samiti mbi rrjetet sociale” ndërsa disa kandidatë republikanë për poste të larta shtetërore, në kongres dhe senat, kanë shprehur mbështetje për idetë e “QAnon”./Opinion.al

Pas