Teksa kjo e dielë shënon 24 vjet nga Masakra e Reçakut, ku u vranë mbi 45 civilë të pafajshëm shqiptarë, Sylejman Kllokoqi, kameramani i Associated Press gjatë luftës së Kosovës rrëfeu për përjetimet e tij kur dokumentoi ngjarjen e rëndë.
I ftuar në Euronews Albania Kllokoqi tregoi se kishte mbërritur ndër të parët në Reçak, ku kishte filmuar me shpejtësi pamjet e kufomave të gjymtuara të shpërndara nëpër fshat, dhe pamjet ishin shpërndarë me shpejtësi në të gjitha agjencitë e lajmeve në botë.
Ai rrëfen për skena të dhimbshme që ka parë mëngjesin e 15 janarit të vitit 1999.
“Në mëngjes herët rreth orës 6-7 kam shkuar shumë herët në atë zonë dhe i pyeta disa banorë a u largua policia, dhe menjëherë hyra brenda. Xhirova ato pamje që bënë xhiron e botës shumë shpejt. Më vonë ka ardhur Ëolker që e ka quajtur krim ndaj njerëzimit. Serbët erdhën morën trupat, i çuan në Prishtinë i kthyen prapë. Kam qenë ndër të parët që kam hyrë, rrugës më kujtohet një njëri pa kokë dhe ishte çuar familja kërkonte kokën e tij nëpër oborr. Rrugës ka pasur viktima afër njëri-tjerrin, më pas mbërrij te lugina ku ishin trupat e tjerë. I kam xhiruar shumë shpejt dhe kam shkuar në Prishtinë që t’i çoj në botë, dhe jam kthyer prapë në Reçak”, rrëfeu Kllokoqi.
Ai kujtoi se dhimbja nga ajo që shihet ishte shumë e madhe dhe lotët i binin teksa filmonte, por kamerën nuk e fiku në asnjë moment, pasi siç tha, bota duhet ta shihet atë që po shihnin sytë e tij.
